Eqqussuineq, nioqqutissiorneq atuinerlu
Kisitsisitigut paasissutissiani uani sammineqarpoq imigassaq qanoq annertutigisoq Kalaallit Nunaannut eqqunneqartartoq aammalu nunap iluani tunisassiarineqartartut annertussusaat. Imigassamut pilersuineq qanoq annertutigisumik imertoqartarneranut uuttuutitut atorneqassappat eqqaamaqquneqarpoq, pilersuinerup atuinerullu akornanni pissutsit pissutaallutik assigiinngissinnaaneri.
· Inuinnaat namminneq immiortarnerat: Inuit nammineq immiortarnerata atuinerup pilersuinermiit annertuneruneranik kinguneqarsinnaavoq. Kalaallit Nunanni nammineq immiortarnerup annertussusaa kisitsisitigut takussutissaqanngilaq.
· Toqqorsivimmut/quersuarmut pisiniarneq: tamanna ilaatigut Kalaallit Nunaanni sunniuteqarpoq, inuiaqatigiit ikinnerat assartuinermilu unammillernartoqarsinnaasarnera taamaasillunilu sillimasariaqartarneq. Tamanna atuinermut sunniuteqartanngikkaluartoq, kisianni eqqussuinermi ukiumiit ukiumut allanngorarnerinut sunniuteqarsinnaavoq.
· Nioqqutissat pisoqalisimasut imaluunniit aserorsimasut maanngaannartut: Tamanna sunniutaagajuppoq pingaartumik ataatsimut annertussuseq isiginiassagaanni, kisianni soorunami nalunaarsuutimut annikikkaluamik sunniuteqarsinnaavoq kommunenili ataasiakkaani nioqqutissat immikkoortitat annertusippata assersuutigalugu nalaatsornikkut ajutoorsimasut imalunniit aserorsimasut naatsorsuutinut sunniuteqarsinnaasarput.
· Eqqunneqartut nalunaarutigineqanngitsut (netto-grænsehandel): Nunamiit nunap sanilianut ajornannginnerusumik isersinnaaneq, imigassap assigisaalu nunami allami akikinneruppata eqqussuinermit annertunerusumik atuisoqarsinnaavoq. Tamanna Kalaallit Nunaanni akitsuutip qaffasinnera pissutaalluni sunniuteqarsinnaavoq – kisianni Kalaallit Nunaata inissisimanera pissutaalluni taamaallaat tikiffigineqarsinnaasut ikitsuinnaapput.
· Nunat assigiinngitsut akornanni mittarfeqarfinni akitsuusigaanngitsumik pisiniarneq: Tamanna naatsorsuinermut ilaanngilaq, periaaseq taanna nuna avannarlerni atuuppoq.
· Takornariat, tikeraat imaluunnit ukiup ilaatigut sulisartut atuinerat: Takornariat, tikeraat imaluunnit ukiup ilaatigut sulisartut imigassamik atuinerat kisitsisitigut immikkut takussutissaqanngilaq. Kommune amerlasuunik takornarialik, tikeraalik imaluunniit ukiup ilaatigut suliartortulik inummut ataatsimut annertunerusumik pilersorneqarsinnaavoq, kommunemut allaniit takornariakinnerusumut, tikeraakinnerusumut imalunniit ukiup ilaatigut sulisartukinnerusumut sanilliullugu.
Eqikkaanermi imaappoq, nalunaarsuutini Kalaallit Nunaannut imigassamik eqqussineq aammalu nunap iluani tunisassiarineqartut qularnanngitsumik atuinerup annerpaartarivaa. Naatsorsuinermi pissutsit qulaani taaneqartut pissutaallutik atuinerup pilersuinerullu qanoq nikingatiginerat eqqortumik oqaatigineqarsinnaanngilaq.